Celfyddyd Perfformio Yn ystod ehangiad Oriel Mostyn mae ein Swyddog Addysg, Bernadette Rippon, yn gweithio ochr yn ochr gyda Ceri Rimmer, artist perfformio blaenllaw ac ymarferydd Dawns, i ddarparu gweithdai celfyddyd perfformio i ysgolion.
Bob mis rydym yn edrych ar wahanol thema a seilir ar arddangosgfeydd Oriel Mostyn yn y gorffennol neu ddylanwad Oriel Mostyn ar Landudno a Gogledd Cymru.
Bob dydd Sadwrn rhwng 1.30pm a 2.30pm, ar ôl pob wythnos o weithdai, gwahoddir myfyrwyr i ymuno â Bernadette a Ceri i gyfrannu i sesiwn ‘celfyddyd fyw’ mewn gwahanol rannau o Landudno. Mae’r sesiynau awr hyn yn cymryd y technegau a’r sgiliau a ddysgwyd yn y gweithdai ac yn eu haddasu i gynnig i’r cyhoedd rywbeth y medrant ei wylio neu ymuno ynddo!
Dyma’r themâu rydym eisoes wedi edrych arnynt:
Ffordd FictoraiddFe’i dewiswyd oherwydd y gred mai Oriel Mostyn oedd yr oriel gyntaf a godwyd i ddangos celfyddyd gwragedd. Edrychodd myfyrwyr ar foesgarwch gwahanol dynion a gwragedd a’u cymharu â’r dydd heddiw i ysbrydoli perfformiad. Buo, yn gweithio hefyd ar greu portreadau proffil. Cynhaliwyd y perfformiad yng Ngerddi’r Gogledd-Orllewin
Ein Natur ni, eich Natur chi
Edrych ar artistiaid a ysbrydolir gan Ogledd Cymru ac artistiaid sy’n chwarae ar briodweddion ac ymddygiad pobl. Bu’r myfyrwyr yn gweithio mewn grwpiau ar ddarn perfformio byr gan greu croglenni lliwgar a ysbrydolwyd gan eu lluniadau.
Cynhaliwyd y perfformiad yng Ngerddi’r Gogledd-Orllewin
Y Môr a’r SynhwyraiddDylanwadodd artistiaid lleol fel Tim Pugh a Nicholas Hughes ar y gweithdai hyn i’n hysbrydoli ni i edrych ar y môr ac felly ar ein synhwyrau. Datblygodd y disgyblion berfformiad a defnyddio cyfryngau cymysg i greu gweithiau celfyddyd unigol. Cynhaliwyd y perfformiad ar y Bandstand, Promenâd Llandudno
Dyddiadau yn y Dyfodol:23.05.09 – Mythau, Mabinogion ac Uwcharwyr. Penygogarth – Happy Valley
20.06.09 – Ein Diwylliant Cymreig Ni, Eich Diwylliant Cymreig Chi. Gerddi’r Gogledd-Orllewin
11.07.09 – Portreadau a Finnau! Dechrau yng Ngerddi’r Gogledd-Orllewin – Gorffen ar y Bandstand, Promenâd Llandudno
No comments:
Post a Comment